Бишкекда афғонистонлик қочқинлар норозилик намойиши ўтказди

^{Фото: vb.kg}
Бишкекдаги БМТ ваколатхонаси биноси олдида бир неча ўн нафар афғонистонлик қочқинлар ўзларига Қирғизистон фуқаролигини бериш ёки АҚШ ё Канадага жўнатишларини талаб қилиб норозилик намойиши ўтказди.

«Биз Қирғизистонда қочқинлар мандати бўйича яшаймиз. Бу ҳужжат билан ишга жойлашиш қийин. Бизга Қирғизистон фуқаролигини беришларини ёки Канада ё Америкага жўнатишларини истаймиз», — деди намойиш иштирокчиларидан бири Али Сарвар Муҳаммад Наби.

Унинг сўзларига кўра, айрим қочқинлар Қирғизистонда 18-20 йилдан бери яшайди, лекин ҳужжат ололмайди.

«Афғонистондан кўплаб фуқароларни АҚШ ёки Канадага жўнатишаётганини эшитдик, бизни ҳам ўша ерга жўнатишларини сўраймиз», — дея талаб қилган намойиш иштирокчилари.

Улар норозилик намойишини АҚШнинг Қирғизистондаги элчихонаси биноси олдида ҳам ўтказишларини маълум қилган. «Замин»ни Telegram’да ўқинг!