ФИФА президенті Джанни Инфантино 2026 жылғы әлем чемпионаты алдында фавориттер тақырыбына тоқталып, Испания құрамасын басты үміткерлер қатарында ерекше атап өтті. Оның пікірінше, қазіргі таңда рейтингте жоғары тұрған құрама әлем чемпионатында да фавориттер тізімінде тұруы тиіс.
Инфантино AS басылымына берген сұхбатында Испанияның мықты тұстарын жақсы білетінін айтып, бұл команда әрқашан ірі жарыстарда басты назарда болатынын айтты.
"Испания, әрине, басқа мықты командалармен қатар фавориттердің бірі. Біз бұл команданың мықты тұстарын жақсы білеміз. Рейтингте бірінші орында тұрған команда әлем чемпионатында да фаворит саналуы керек," - деді Инфантино.
Естеріңізге сала кетейік, 2026 жылғы әлем чемпионаты 11 июньнен 19 июльге дейін АҚШ, Канада және Мексикада өтеді. Бұл мундиаль тарихта алғаш рет үш елде ұйымдастырылуымен де ерекше маңызға ие.
Жеребе қорытындысы бойынша Испания құрамасы H тобынан орын алды. Бұл топта испандықтар Кабо-Верде, Сауд Арабиясы және Уругвайға қарсы ойнайды. Қағаз жүзінде топ "оңай" болып көрінуі мүмкін, бірақ әр қарсыластың өз стилі бар: біреу физикалық қысым жасайды, біреу тәртіпті қорғанысқа сүйенеді, ал біреу үлкен турнир тәжірибесімен қауіпті.
Сондықтан Испанияға "фаворит" деген белгі тек мақтау ғана емес - бұл жауапкершілік те. Өйткені рейтингте жоғары тұру басқа, ал мундиальда сол қысыммен әр ойынды нәтижеге айналдыру басқа "лига." Бірақ Инфантиноның айтқанының астарында бір белгі бар: Испаниядан үлкен нәтиже күтілуде - енді олар бұл сенімді алаңда растауы керек.
Lisez “Zamin” sur Telegram !
