Эндокринолог Маргарита Белоусова тухумдаги муҳим озуқавий моддалар ҳақида фикр билдирди. У бу ҳақда РИА «Новости» нашрига берган интервьюсида айтиб ўтди.
Шифокор тушунтиришича, тухум таркибида бир қатор муҳим озуқавий элементлар мавжуд. «Масалан, тухум оқсили таркибида организм ўзини ишлаб чиқара олмайдиган, аммо ҳужайраларни қуриш ва янгилаш учун зарур бўлган тўққизта асосий аминокислотанинг барчаси бор», деб таъкидлади эндокринолог.
У қўшимча қилди, тухумда кўплаб витаминлар ҳам мавжуд: терини ва кўриш қобилиятини сақлаш учун А витамини; асаб тизими учун муҳим Б витамини; ҳужайраларни зарарли таъсирлардан муҳофаза қилувчи Е витамини ва иммунитет учун керакли D витамини.
Бундан ташқари, тухумда асосий микроэлементлар ҳам бор: холин, селен, руҳ ва темир. Шифокорнинг таъкидлашича, бу озуқавий моддалар мия фаолияти, иммун тизим ва қон ишлаб чиқариш тизими учун муҳим аҳамиятга эга.
“Zamin”ни Telegram'да ўқинг!
