Агар буни ҳафтасига бор-йўғи 2,5 соат бажарсангиз, вақтидан илгари ўлим эҳтимолини деярли 30 фоизга камайтирасиз. Бундан ташқари, юрак қон-томир касалликларига чалиниш эҳтимоли ҳам 20 фоизга камаяди. Гап жисмоний фаоллик ҳақида бормоқда.
2003 йилдан 2010 йилга қадар етти йил мобайнида канадалик олимлар жисмоний фаолликнинг ҳаётимиздаги ўрнини ўрганиш бўйича тадқиқот олиб боришди. Унда 35 ёшдан 70 ёшгача бўлган 130 мингта одам иштирок этди. Улар турли мамлакат вакиллари бўлиб, ҳаёт даражалари ҳам турлича эди.
Тадқиқот якуни жуда қизиқ. Агар юрак қон-томир касалликлари, инфаркт ёки инсультнинг юзага келиши эҳтимолини камайтиришни истасак, ҳаракатланишимиз лозим. Ҳафтасига ҳеч бўлмаганда 150 дақиқа (2,5 соат). Ҳар қандай жисмоний фаоллик ҳисобга олинади. Бу одатий уй тозалаш ёки сайр бўлиши мумкин. Албатта, спорт залида ҳам шуғулланиш мумкин – ортиқчалик қилмайди. Соғлик нуқтаи назаридан ҳар қандай фаоллик тўғри келади.
Фото: Pexels
Замонавий ҳаётда тобора «ўтириш ҳолатидаги ҳаёт тарзи»га амал қилмоқдамиз. Бунга офисдаги иш ва жамоат ҳамда шахсий транспорт тизимининг ривожланиши сабаб бўлмоқда. Фаол турмуш тарзига оид кўплаб тадқиқотлар ўтказилишига қарамай, одам тобора «кўп ўтиришда давом этяпти». Натижада ортиқча вазн, кўплаб касалликларга мойиллик юзага келмоқда.
Ҳафтасига 150 дақиқа – кунига 20 дақиқадан бироз ортиқ дегани. Кўпчиликнинг жисмоний фаоллиги ундан ҳам камроқ. Бу вақт давомийлигини ошириш бўйича маслаҳатлар қуйидагилардан иборат:
- Ишгача ҳеч бўлмаганда бир бекат пиёда юринг;
- Зиналар ҳисобига лифтлардан воз кечинг;
- Агар машинада юрсангиз, машинангизни ишхона ёки учрашув жойидан узоқроқда қолдиринг;
- Дўконга пиёда боринг;
- Кечки пайт пиёда юриш учун 10 дақиқа вақт ажратинг.
Агар бу бандлардан бир нечтасини бажаришга ҳаракат қилсангиз, жисмоний фаоллигингиз ортади. Айтганча, ҳаракатнинг яна бир ижобий жиҳати зўриқишни енгишда ёрдам беради. Кечки маҳалдаги сайр кишига хотиржамлик бахш этади. Синаб кўринг!
Фото: Pexels
Сиз ҳаракат ҳақида қандай фикрдасиз? Кунига ҳеч бўлмаганда 5 минг қадам босиб ўтасизми?
Манба: Kun.uz “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Эрон Исроил билан кенг кўламли урушга тайёрлигини маълум қилди
Грецияда минглаб одамлар НАТОга қарши намойиш ўтказди
Энди «Доимий яшаш жойига рўйхатга қўйиш» қулайлашди (видео)
100 млн сўмгача бўлган кредитлар соддалаштирилган тартибда ажратилади
Германия разведкаси раҳбари: “Россия яқин йилларда НАТОга ҳужум қилиши мумкин”
Словакия бош вазири Путиннинг таклифини қабул қилди
Бош кийимсиз юришнинг организмга қандай таъсири бор?
Эрдўғон: “Туркия Ғазо можароси тугамагунча Фаластинни қўллаб-қувватлайди”
