Ўзбекистон Республикаси 2025 йилнинг январь-сентябрь ойларида дунёдаги 206 давлат билан савдо алоқалари олиб борди. Миллий статистика агентлиги маълумотларига кўра, ушбу даврда мамлакат ташқи савдо айланмаси 59,8 млрд АҚШ долларини ташкил этди. Бу 2024 йилнинг мос даврига нисбатан 11,1 млрд долларга кўп бўлиб, 22,9 фоизлик ўсишни кўрсатди.
Экспорт ва импорт динамикаси
Экспорт ҳажми 26,7 млрд долларни ташкил этган бўлса, бу кўрсаткич 33,3 фоизга ошган. Импорт эса 33,1 млрд долларга етган ва 15,6 фоизга ўсган. Ташқи савдо баланси эса 6,4 млрд долларлик манфий сальдо билан шаклланган.
Энг йирик савдо ҳамкорлари
Хитой (19,1 %), Россия (15,7 %), Қозоғистон (5,8 %), Туркия (3,6 %) ва Корея Республикаси (2,2 %) Ўзбекистоннинг энг йирик савдо ҳамкорлари ҳисобланади.
Экспортда устувор маҳсулотлар:
Саноат маҳсулотлари — 10,7%
Овқат маҳсулотлари ва тирик ҳайвонлар — 7,7%
Кимёвий воситалар — 5,7%
Тайёр маҳсулотлар — 4,7%
Импорт таркибида асосий улушни эгаллаган йўналишлар:
Машина ва транспорт ускуналари — 33,9%
Саноат товарлари — 15,9%
Кимёвий маҳсулотлар — 12,3%
Импортнинг асосий манбалари:
Хитой, Россия, Қозоғистон, Туркия, Корея, Германия ва Ҳиндистон каби давлатлар мамлакатга келаётган товар ва хизматларнинг катта қисмини таъминламоқда.
Ўзбекистон иқтисодиётида ташқи савдо салоҳиятининг ортиши ва мамлакатнинг жаҳон бозорига интеграциялашуви тобора фаоллашмоқда. Бу эса ишлаб чиқаришни кенгайтириш, янги бозорларга чиқиш ва ташқи савдо ҳамкорликни янада мустаҳкамлаш имконини бермоқда.
“Zamin”ни Telegram'да ўқинг!
