2025-йил 17-ноябр куни Тошкентда “Миллий статистикада янги босқич: шаффофлик ва халқаро стандартлар сари” мавзусида халқаро конференция ва матбуот анжумани ўтказилди. Анжуманда Миллий статистика қўмитаси раиси Беҳзод Ҳамраяев янги қайта ҳисоблаш натижаларини тақдим этди.
Унга кўра, 2024-йил якуни билан Ўзбекистонда Ялпи ички маҳсулот (ЯИМ) номинал ҳажми 1 454,6 трлн сўмдан 1 535,4 трлн сўмга (“80,9 трлн сўмга”, ёки 5,6 %га) ўсган. Мазкур ҳажм АҚШ доллари билан айланганда 115,0 млрд долларнинг ўрнига 121,4 млрд долларни ташкил этган.
Шу билан бирга, ахоли жoнбошига ЯИМ кўрсаткич ҳам қайта ҳисобланган бўлиб, у 2024-йил учун 41,3 млн сўмни ташкил этган.
Статистикада белгиланишича, давлат бюджети ижросининг тўлиқ қамрови натижасида 36,4 трлн сўм янги қўшилган қиймат аниқланган. Саноатда қўшилган қиймат 12,7 трлн сўм, қишлоқ хўжалигида 5,6 трлн сўм, қурилишда 10,3 трлн сўм, хизмат кўрсатиш соҳасида эса 16,3 трлн сўм қўшимча қиймат пайдо бўлган.
Бу рақамлар мамлакат иқтисодиётининг ўсишини, саноат, қишлоқ хўжалиги ва хизматлар тармоқларининг жонланишини кўрсатади. Бундан ташқари, халқаро стандартларга мувофиқ статистика тизими ҳам эътиборга лойиқдир.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
