Уй олиш осонлашади, аммо нархлар ошадими? Швецияда янги ипотека ислоҳоти

1 дақиқа ўқиш1.6K
Уй олиш осонлашади, аммо нархлар ошадими? Швецияда янги ипотека ислоҳоти

Швеция ҳукумати уй-жой бозорини жонлантириш ва аҳолининг уй сотиб олиш имкониятларини кенгайтиришга қаратилган янги ислоҳотни таклиф қилди. Ушбу ўзгаришлар, айниқса, ёшлар ва болали оилалар учун қулайлик яратиши кутилмоқда. Бу ҳақда Азертадж нашри хабар берди.

Янги қоидалар 2026 йил 1 апрелдан кучга киради. Ислоҳот доирасида ипотека кредитлари бўйича асосий талаблар енгиллаштирилади. Жумладан, кредит лимити оширилади ва айрим қарз олувчилар учун кредитни тезда қайтариш мажбурияти бекор қилинади.

Янги тартибга кўра, энди уй сотиб олувчилар мулк қийматининг 90 фоизигача бўлган қисмини ипотека кредити орқали олишлари мумкин бўлади. Аввал бу кўрсаткич 85 фоиз эди. Натижада, дастлабки бадал 10 фоизгача камаяди. Шунингдек, қарзи йиллик даромадининг 4,5 бараваридан ошадиган фуқаролар учун мажбурий тезкор амортизация талаби бекор қилинади. Бироқ асосий амортизация қоидалари сақланиб қолади.

Ҳукумат вакилларининг таъкидлашича, ушбу ўзгаришлар уй хўжаликларининг ойлик молиявий юкини сезиларли даражада камайтиради. Масалан, болали оилалар ойига бир неча юз доллар маблағни тежаш имконига эга бўлади. Ёшлар учун эса дастлабки депозитни йиғиш муддати 2–4 йилга қисқариши кутилмоқда.

Шу билан бирга, мутахассислар ислоҳот уй-жой нархларининг ошишига олиб келиши мумкинлигидан огоҳлантирмоқда. Прогнозларга кўра, 2026–2027 йилларда уй-жой нархлари йилига 5–6 фоизга ошиши эҳтимоли бор. Бу эса аҳоли орасида қарз юкининг ортишига сабаб бўлиши мумкин.

Шу сабабли ҳукумат қўшимча мувозанат чораларини кўришни режалаштирмоқда. Жумладан, кредитларни амортизация қилишни рағбатлантириш, қўшимча қарз олишга чекловлар жорий этиш, банкларнинг капитал талабларини кучайтириш ҳамда Швеция Марказий банки — Риксбанкнинг молиявий барқарорликни таъминлашдаги ролини ошириш кўзда тутилган.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?