Malibu-2даги талабалар ЙПХ ходимини ҳақорат қилиб, видеосини тарқатди

Самарқанд вилоятининг Иштихон туманида техникум талабалари иштирокида нохуш ҳолат юз берди. Улар ижарага олинган Malibu-2 автомобилида ҳаракатланиб, ЙПХ ходимининг тўхташ ҳақидаги талабига бўйсунмаган.

Маълум қилинишича, ёшлар йўл-патруль хизмати ходимини ҳақорат қилган. Шунингдек, унинг шаъни ва обрўсига путур етказувчи видеоларни ижтимоий тармоқларга жойлаштирган.

Ҳодиса жамоатчилик эътиборини тортди. Ҳозирча ҳолат юзасидан қандай чора кўрилгани ҳақида қўшимча маълумот берилмаган.