Голливуднинг ёш ва машҳур юлдузларидан бири, "Wednesday" сериали орқали дунё миқёсида катта обрў қозонган Женна Ортега сўнгги кунларда ижтимоий тармоқларда баҳс марказига айланди. Актрисанинг янги суратларида унинг юз шакли сезиларли ўзгаргани кўзга ташланди.
Маълум бўлишича, Ортега ёноқдаги Биша комкасини — юз тўқимасидаги ёғ қатламларини олиб ташлаш амалиётини қилдирган. Бу операция баъзи одамларда юзнинг шаклини аниқроқ ва ўткирроқ қилади, бироқ барча мухлислар бу ўзгаришни маъқулламаган. Интернетда турли фикрлар ёғилди: айримлар уни қўллаб-қувватласа, кўпчилик янги қиёфаси учун танқид остига олди.
Ижтимоий тармоқларда энг кўп муҳокама қилинган изоҳлардан бири шундай ёзилган:
"Биша комкасини олиб ташлаш операциясини ўйлаб топган одам қамалиши ва инсониятга қарши жиноятда айбланиши керак."
Бу воқеа кўпчиликка "Йигитлар" сериали актрисаси Эрин Мориартини эслатди. У ҳам бир неча йил аввал худди шундай амалиётдан сўнг кескин танқидга учраб, ижтимоий тармоқлардан вақтинча узоқлашган эди.
Шу билан бирга, баъзи мухлислар ҳали ҳам шошилмаслик кераклигини, эҳтимол, бу фақат макияж ёки ёруғлик эффекти эканини таъкидлашди. Улар яқин кунларда бу ҳақида аниқ маълумот чиқишига умид қилишмоқда.
Женна Ортега бу масалада ҳозирча ҳеч қандай расмий баёнот бермади. Аммо унинг янги қиёфаси аллақачон муҳлислар ва оммавий ахборот воситалари орасида қизғин баҳсларга сабаб бўлди.
«Замин»ни Telegram’да ўқинг!
