Ижтимоий тармоқларда хонанда Сардор Мамадалиевга нисбатан суд иши очилгани ҳақида хабарлар тарқалди. Маълум бўлишича, бу ҳолат унинг “Чотки TV” YouTube каналига берган интервьюсидан кейин юзага келган.
Интервью давомида хонандадан Шерали Жўраев ижросидаги машҳур “Кўрмишам” қўшиғини куйлаб бериш сўралган. Айнан шу ижродан сўнг видеонинг тегишли қисми YouTube платформасидан олиб ташланган ҳамда хонандага нисбатан суд иши қўзғатилгани айтилмоқда.
Сардор Мамадалиев ўзининг Instagram саҳифасида жойлаган видеода ушбу масала фақат унга тегишли эмаслигини айтди. Унинг таъкидлашича, яна қарийб 20 нафар шахс ҳам айнан шу асосда жаримага тортилаётган бўлиши мумкин. Ҳозирча жарима миқдори очиқланмаган.
Бундан ташқари, хонанда Адлия вазирлигига кетаётган пайтда автомобилни хавфсизлик камарини тақмасдан бошқаргани ҳам қайд этилган. Шу сабабли ИИББ ходимлари томонидан у билан профилактик суҳбат ўтказилиб, тегишли тартибда маъмурий баённома расмийлаштирилган. Ҳайдовчи йўл ҳаракати қоидаларининг 9-бандига амал қилмагани учун унга нисбатан чоралар кўрилган.
