Шакира ва Эминем Қозоғистонда концерт бериши кутилмоқда
2026 йилда Америкалик репер Эминем ва хонанда Шакира Марказий Осиё турнеси доирасида Қозоғистоннинг Олмаота шаҳрида концерт бериши кутилмоқда. Тадбирлар Марказий стадионда ўтказилиши режалаштирилган бўлиб, ҳозирда ташкилий масалалар якунланмоқда. Шу билан бирга, стадионда модернизация ишлари олиб борилиши кўзда тутилган. Аввалги йирик тадбирлардаги инфратузилма муаммолари сабабли ушбу лойиҳага жиддий эътибор қаратилмоқда.
Америкалик репер Эминем ҳамда колумбиялик хонанда Шакира 2026 йилда Марказий Осиё турнеси доирасида Қозоғистонда концерт бериши мумкинлиги айтилмоқда.
Маълумотларга кўра, уларнинг чиқишлари Олмаота шаҳридаги Марказий стадионда ўтказилиши режалаштирилган. Ҳозирда лойиҳа аниқ саналарни белгилаш ҳамда ташкилий-техник масалаларни якунлаш босқичида турибди.
Шу билан бирга, 2026 йилда мазкур стадионда модернизация ишлари ҳам амалга оширилиши режалаштирилган. Унда футбол майдони ва енгил атлетика йўлаклари янгиланиши кўзда тутилган. Бироқ таъмирлаш ишлари концертлардан олдин ёки кейин бўлиши ҳозирча номаълум.
Аввал ҳам ушбу стадионда йирик тадбирлар ташкил этилиши инфратузилма ва ташкилий муаммолар сабаб танқидларга учраган.
Изоҳлар 0
…