Душанба куни «Барселона» сафарда «Жирона»га 1:2 ҳисобида ютқазди. Ушбу турдан кейин «кўк-анорранглилар» Ла Лигадаги етакчиликни бой берди. Бу ҳақда euro-football.ru хабар беради.
Ўйиндан сўнг Испания ОАВлари жамоа ярим ҳимоячиси Френки де Йонгнинг ҳаракатларини кескин баҳолади. Нидерландиялик футболчи учрашувни тўлиқ 90 дақиқа ўтказди ва майдонга сардорлик боғичи билан тушди. Испан нашрларидаги фикрлар жамланмасини The Touchline келтирди.
Marca нашри де Йонг «тўп назоратини самарага айлантира олмаётгани ва ижодкорлиги кам»лигини ёзди. Mundo Deportivo эса унинг жамоа яна биринчи ўринга қайтишни истаган пайтда «ярим ҳимоячи сифатида етакчилик ва таъсир кучи етишмаётгани, кўпроқ оддий паслар ҳамда иккилани б бажарилган ҳимоявий ҳаракатлар билан чекланаётгани»ни таъкидлади. Sport нашрига кўра эса де Йонг «Барселона» яққол устунлик қилганида яхши кўринади, аммо ўйинда мувозанат бузилганда қийналади ва айнан шунда унинг заиф томонлари кўзга ташланади.
Ҳозирда «Барселона» турнир жадвалида «Реал»дан икки очко ортда бормоқда.
“Zamin”ни Telegram'да ўқинг!
