Мадриднинг «Реал» клуби ҳужумчиси Килиан Мбаппе жамоадоши Винисиус Жуниорни қўллаб-қувватлади. Бразилиялик футболчи Чемпионлар лигасида «Бенфика»га қарши баҳсда рақиб ўйинчи Жанлука Престианнини ўзига нисбатан ирқчилик қилганликда айблаган эди. Аргентиналик футболчи эса Винисиус вазиятни нотўғри тушунганини таъкидлади. Бу ҳақда euro-football.ru хабар беради.
Учрашувдан кейин Винисиус бурчак байроғи ёнида голни провокацион тарзда нишонлагани учун ҳам танқид остида қолди. Шунга қарамай, Мбаппе бразилиялик шеригини очиқ ҳимоя қилди.
«Рақсга туш, Вини, ва ҳеч қачон тўхтама. Улар бизга нима қилиш мумкин ёки мумкин эмаслигини айтиб бера олмайди», — деб ёзди Мбаппе ижтимоий тармоқларда.
Аввалроқ Винисиус Жуниор Килиан Мбаппега катта миннатдор экани ҳақида ҳам хабарлар тарқалган эди.
“Zamin”ни Telegram'да ўқинг!
