Лионель Месси расман миллиардер мақомига эришди ва ўзининг азалий рақиби Криштиано Роналдо билан бирга жаҳон спортидаги энг эксклюзив клуб аъзосига айланди. Интер Миами ва Аргентина терма жамоаси афсонасининг бойлиги рекорд даражадаги шартномалар ҳамда майдон ташқарисидаги ақлли инвестициялар эвазига 1 миллиард доллардан ошди. Бу ҳақда Goal.com хабар беради.
Bloomberg таҳлилларига кўра, 38 ёшли футболчи 2007-йилдан буён маош ва бонуслар кўринишида 700 миллион доллардан ортиқ даромад қилган. Солиқлар, бозор кўрсаткичлари ва кўплаб ҳомийлик шартномалари ҳисобга олинганда, Bloomberg Биллионаирес Индех унинг соф бойлиги 1 миллиард долларлик довондан ўтганини тасдиқлади. Бу натижа билан у 2023-йилда Ал-Насср клубига ўтгач ушбу маррани забт этган илк футболчи Криштиано Роналдо сафига кирди.
Месси кўпчилик кутганидек Саудия Арабистонининг йилига 400 миллион долларлик таклифини рад этиб, АҚШнинг Мажор Леагуе Соксер лигасини танлади. У ўз вақтида Mundo Deportivo нашрига берган интервюсида: "Пул мен учун ҳеч қачон муаммо ёки тўсиқ бўлмаган. Агар гап фақат пулда бўлганида, мен Саудия Арабистонига ёки бошқа жойга кетган бўлардим", деб таъкидлаган эди.
Интер Миами эгаси Жорге Маснинг сўзларига кўра, Мессининг йиллик даромади 70-80 миллион доллар атрофида, бироқ шартнома Apple TV билан даромад улашиш ва клуб акцияларига эгалик қилиш каби ноёб бандларни ўз ичига олади. Ҳозирда Интер Миами клубининг қиймати 1,45 миллиард долларга етиб, у АҚШнинг энг қиммат жамоасига айланди.
Мессининг бойлиги нафақат футбол шартномалари, балки кўчмас мулк ва истеъмол товарлари билан ҳам боғлиқ. Унинг портфелига ҳашаматли меҳмонхоналар, Мас+ бй Месси спорт ичимлиги ва Эл Клуб де ла Миланеца ресторанлар тармоғи киради. Бу лойиҳалар Месси брендининг Майкл Жордан ва Рогер Федерер каби афсоналар йўлидан бориб, спортдан ташқарида ҳам даромад келтиришини таъминламоқда.
“Zamin”ни Telegram'да ўқинг!
