08:13 / 21.02.2019
4 369

Гвардиола: “Месси, Хави, Инестасиз ЧЛни ютолмайманми? Тўппа тўғри”

Гвардиола: “Месси, Хави, Инестасиз ЧЛни ютолмайманми? Тўппа тўғри”
“Манчестер Сити” бош мураббийи Хосеп Гвардиола танқидчиларининг фикрларига муносабат билдирди.
Айримлар ҳозиргача Гвардиоланинг “Барселона”да ишлаган вақтида қўлга киритган совринларига футболчилар асосий сабаб бўлганлиги ҳақида айтиб келишади.

“Мен Чемпионлар лигасида ғолиб чиқа олмайман, чунки ҳозирги жамоам сафида Месси, Хави, Иньеста йўқ? Тўппа тўғри. Бу фикрга қўшиламан. Бу ҳолатда тортишишнинг ҳожати ҳам йўқ. Чунки “Барселона”да ишлаган пайтимда ҳам айтгаман. Қўл остимда ажойиб футболчилар бўлган. Шунингдек, “Бавария”да ҳам, ҳозир “Манчестер Сити”да ҳам ажойиб футболчиларга устозлик қилаяпман. Аммо “Барселона”да бахтли ва омадли эдим. Кечирасизлару, ростдан омадим кулиб боққан. Шу боис танқидчиларимнинг фикрига қўшиламан”, дея Гвардиоланинг сўзларидан иқтибос келтирмоқда Goal.com.

Эслатиб ўтамиз, Гвардиола бош мураббийи сифатида 2009 ва 2011 йилларда Европа чемпионлар лигасида бош совринни қўлга киритган. Ҳар иккала ҳолатда ҳам у “Барселона” билан бу совринга эга чиққан. Кейинчалик у “Бавария”ни бошқарган ва немис жамоаси билан ушбу мусобақанинг ярим финалига қадар етиб келган эди.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Гвардиола: “Месси, Хави, Инестасиз ЧЛни ютолмайманми? Тўппа тўғри”