OpenAI киберхавфсизлик учун янги моделини тақдим этди
OpenAI компанияси киберхавфсизлик соҳаси учун махсус ишлаб чиқилган GPT-5.4-Cyber моделини расман тақдим этди. Янги тизим киберҳужумлардан ҳимояланиш ва ахборот хавфсизлигини кучайтириш мақсадида АҚШ идоралари ҳамда "Беш кўз" разведка альянсига намойиш этилди. Ушбу технологиядан дастлаб фақат сертификатланган мутахассислар ва тадқиқотчилар чекланган доирада фойдаланишлари мумкин бўлади. Ҳозирда OpenAI билан бир қаторда Anthropic компанияси ҳам ушбу йўналишда ўз рақобатбардош лойиҳаларини ишлаб чиқмоқда.
Axios маълумотига кўра, OpenAI компанияси киберхавфсизлик соҳасига мўлжалланган янги маҳсулотини расман тақдим этди.
Маълум бўлишича, компания ўтган ҳафта АҚШ федерал идоралари ҳамда “Беш кўз” (Five Eyes) разведка альянси аъзолари учун махсус брифинг ўтказган.
Тақдимот давомида OpenAI ўзининг асосий моделининг киберхавфсизлик учун мослаштирилган янги талқини — GPT-5.4-Cyber имкониятларини намойиш этган.
Бу тизим киберҳужумларга қарши ҳимояни кучайтириш ва ахборот хавфсизлигини мустаҳкамлашга қаратилган бўлиб, дастлаб фақат чекланган доирада — сертификатланган мутахассислар ва тадқиқотчилар учун очилади.
Five Eyes тармоғига кирувчи давлатлар ушбу технологиядан фойдаланиш имкониятини кўриб чиқмоқда. Шу билан бирга, бу йўналишда OpenAI’нинг асосий рақобатчиси Anthropic ҳам ўз лойиҳаларини тақдим этгани айтилмоқда.
Изоҳлар 0
…