YouTube платформасидан катта кинога ўтиш тенденцияси ушбу дам олиш кунларида ўзининг юқори нуқтасига чиқди. Кассабоп фильмлар рейтингида биринчи ўринни Кейн Парсонс томонидан суратга олинган “Баккрооms” фильми эгаллади. 4чан тармоғидаги мавзу асосида яратилган ва YouTube'да машҳур бўлган ушбу даҳшатли лойиҳа физикага бўйсунмайдиган сирли офис майдони ҳақида ҳикоя қилади. Фильм илк дам олиш кунларида АҚШнинг ўзида 81 миллион доллар даромад келтириши кутилмоқда. Бу ҳақда Techcrunch.com хабар беради.
Бу кўрсаткич мустақил А24 студияси учун мутлақ рекорд ҳисобланади. Аввалги рекорд “Цивил Вар” фильмига тегишли бўлиб, у дебют ҳафтасида 25,7 миллион доллар тўплаган эди. Рейтингнинг иккинчи поғонасини эса яна бир YouTube ижодкори Куррй Баркер томонидан суратга олинган “Обсессион” фильми банд этди. Гарчи унинг ҳафталик даромади 26,4 миллион долларни ташкил этса-да, фильмнинг ўсиш динамикаси мутахассисларни ҳайратда қолдирмоқда.
“Обсессион” фильми 1982-йилдан бери ўзининг иккинчи ва учинчи ҳафталарида даромадни пасайтирмасдан, аксинча кўпайтирган биринчи фильмга айланди. Одатда фильмлар иккинчи ҳафтада 50-70 фоиз даромад йўқотади, бироқ Баркернинг ижоди томошабинлар орасидаги ижобий тавсиялар туфайли ўсишда давом этмоқда. Куррй Баркер бунгача YouTube'да “Милк & Сериал” каби лойиҳалари билан танилган эди ва у ҳозирда “Те Техас Чаинсав Массакре” ремейки устида ишламоқда.
Ушбу муваффақиятлар йил бошида Маркиплиер тахаллуси билан танилган Марк Фисчбач томонидан тақдим этилган “Ирон Лунг” фильмининг зафарли юришидан сўнг юз бермоқда. Мазкур видеоўйин адаптацияси 41 миллион доллар тўплашга муваффақ бўлган эди. Мутахассисларнинг фикрича, Парсонс ва Баркер каби ёш ижодкорларнинг муваффақияти уларнинг йиллар давомида YouTube'да шаклланган содиқ аудиторияси билан боғлиқ.
Эътиборлиси, ушбу “блогерлик” фильмлари ҳатто йирик франшизаларни ҳам ортда қолдирди. Масалан, етти йиллик танаффусдан сўнг экранларга қайтган Стар Варс оламига тегишли “Те Мандалориан анд Грогу” фильми ушбу ҳафтада бор-йўғи 24 миллион доллар тўплаб, рейтингда пастроқ натижа қайд этди.
“Zamin”ни Telegram'да ўқинг!
