AvtoVAZ yangilangan Lada Granta avtomobillarini taqdim etdi – yangi qulaylik va xavfsizlik

Rossiyaning yetakchi avtomobil ishlab chiqaruvchisi AvtoVAZ yangi avloddagi Lada Granta modellarining yangi jihozlangan komplektatsiyalarini sotuvga chiqarganini ma’lum qildi. Endi ushbu mashhur modelning sedan va liftbek kuzovida Club, stansiya vagon kuzovida esa Quest versiyalari sotiladi.

Lada Granta avtomobillarining maksimal darajadagi komplektatsiyasi qulaylik va xavfsizlik jihatidan sezilarli darajada takomillashtirilgan. Jumladan, avtomobillar yangi iqlim nazorati tizimi bilan jihozlangan. Shuningdek, qo‘shimcha shovqin izolyatsiyasi paketini o‘zida mujassam etgan.

Xavfsizlik va qulaylik uskunalari:

• Masofadan boshqariladigan signalizatsiya, immobilayzer va markaziy qulf tizimi bilan jihozlangan maxsus kalit;
  
• Tumanga qarshi yoritgichlar;
  
• Faralarni kechiktirib o‘chirish funksiyasi ("Follow me home");
  
• Orqa eshiklarda elektr oynalar;
  
• Tezlikni cheklash imkoniyatiga ega kruiz nazorati tizimi;
  
• Parkovka sensorlari;
  
• Isitish tizimiga ega old o‘rindiqlar;
  
• Ikkita havo yostig‘i;
  
• Isitiladigan old oyna;
  
• Orqa ko‘rinish kamerasi va zamonaviy EnjoY Pro multimedia tizimi ("Yandeks Avto" xizmatlari bilan birga).
  

Yangilangan Lada Granta o‘z segmentida yuqori darajadagi jihozlanganligi bilan ajralib turadi. Ayniqsa, Club va Quest komplektatsiyalari har kuni foydalanish uchun maksimal darajada qulaylik va xavfsizlik ta’minlaydigan barcha zarur zamonaviy funksiyalarga ega.

Bu yangilik Lada brendining ishqibozlari va yangi avtomobil xarid qilish istagida bo‘lgan xaridorlar uchun qo‘shimcha imkoniyatlar ochib bermoqda. “Zamin”ni Telegramʻda oʻqing!