Qayta tiklangan Volga brendining ilk avtomobillari 2026-yil yozida First Edition maxsus seriyasida ishlab chiqariladi. Ushbu cheklangan partiyadagi Volga C50 sedani va Volga K50 krossoveri salonida maxsus esdalik yorliqlari o‘rnatiladi. Ushbu ma’lumot brend matbuot xizmati tomonidan tasdiqlandi. Bu haqda Ixbt.com xabar beradi.
Volga K50 krossoveri 2,0 litrli turbodvigatel va 238 ot kuchiga ega motor bilan jihozlangan. To‘liq uzatmali ushbu model qishki paket, jumladan, o‘rindiqlar, rul, old oyna va yon oynalarni isitish tizimlari bilan ta’minlangan.
Avtomobilning texnik jihozlanishiga 12 ta dinamikdan iborat yuqori sifatli audio tizim, haydovchi va yo‘lovchi o‘rindiqlari uchun massaj hamda xotira funksiyalari kiradi. Shuningdek, old o‘rindiqlar ventilyatsiyasi va ikkinchi qator o‘rindiqlari suyanchig‘ini elektr yordamida sozlash imkoniyati mavjud.
Ishlab chiqaruvchi xavfsizlik tizimlariga alohida e’tibor qaratgan. Zamonaviy elektron yordamchilar ham faol, ham passiv xavfsizlikni ta’minlashga xizmat qiladi. Volga brendi o‘zining ilk avtomobillari bilan bozorda raqobatbardosh bo‘lishni maqsad qilgan.
“Zamin”ni Telegramʻda oʻqing!
