Foto: CNN
Qo‘shma Shtatlar Ukrainadagi vaziyat muzokaralar yo‘li bilan hal qilinishiga umid qilmoqda, dedi Oq uy matbuot kotibi Karin Jan-Per brifingda. Translyatsiya CNBC telekanali tomonidan olib borildi.
«Biz hamma narsa muzokaralar bilan yakunlanadi, deb umid qilyapmiz, ammo hozir Kremlda bunday istakni ko‘rmayapmiz», — dedi Jan-Per.
Vashington muzokaralar vaqtida Ukraina «yaxshiroq pozitsiyada» bo‘lishiga ishonch hosil qilishni istaydi, dedi u.
Rossiya va Ukraina may oyi o‘rtalarida muzokaralarni to‘xtatgan edi. Moskva bunda Kiyevni aybladi. 22 may kuni Rossiya muzokaralar delegatsiyasi rahbari Vladimir Medinskiy muzokaralar jarayonini muzlatish «Ukraina tashabbusi» ekanini aytdi. Uning aytishicha, Moskva Kiyevga shartnoma loyihasini topshirgan, unda «bir qator prinsipial pozitsiyalar kelishilgan edi», endilikda «to‘p butunlay ukrainaliklar tomonda qolmoqda».
24 may kuni Ukraina prezidenti Vladimir Zelenskiy muzokaralarni qayta boshlash sharti sifatida Rossiya qo‘shinlarining urush boshlangan 24 fevraldan oldingi pozitsiyalariga qaytishi kerakligini aytdi.
Iyun oyi boshida Rossiya tashqi ishlar vaziri Sergey Lavrov G‘arbni Kiyevning muzokaralarga kirishini taqiqlaganlikda aybladi. «Ikki oy oldin Ukraina bu masalani qanday hal qilish bo‘yicha taklifni ilgari surgandek edi. Biz bu takliflarni asos qilib oldik. Bir kundan keyin esa G‘arb ukrainaliklarga bu jarayonni davom ettirishni taqiqladi», — dedi u. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH harbiylari orasida o‘z joniga qasd qilish ko‘paydi
Har qanday katta yoshdagi kishi yetuk emas
AQSH Isroilning ikki vaziriga sanksiya qo‘llamoqchi
Donald Tramp 27 yoshli Karolin Levittni Oq uy matbuot kotibi etib tayinlamoqchi
Apple dongdor ikki ayfonini rasman eskirgan deb e’lon qildi
Organizm o‘zini toksinlardan qanday tozalaydi?
Yaxshi pishgan va mazali anor tanlashga yordam beradigan tavsiyalar
Buyrak salomatligi uchun eng foydali sabzavot...
