17:50 / 15.06.2022

Urushning 111-kuni: Donbassdagi shiddatli jang oqibatlari. Xarkovdagi dafn marosimi (foto)

14 iyun kuni Rossiya qo‘shinlari Severodonetskka hujumni davom ettirdi. Lugansk viloyati davlat ma’muriyati rahbari Sergey Gaydayning so‘zlariga ko‘ra, Rossiya turar joy binolari va 500 dan ortiq odam yashiringan «Azot» korxonasiga zarba bergan. Xarkov viloyatining o‘qqa tutilishi oqibatida bir ayol va uning uch oylik chaqalog‘i halok bo‘ldi. Ukrainaning okkupatsiya qilingan hududlar reintegratsiyasi vazirligi Rossiya bilan halok bo‘lgan harbiylarning jasadlari yana almashilganini ma’lum qildi. Meduza urushning 111-kuniga oid suratlarni jamladi.

Xarkov

^{Jangovar shifokor va taktik tibbiyot instruktori Yevgeniy Xrapkoning dafn marosimi oldidan qabristondagi manzara. U 11 iyun kuni halok bo‘lgan. Ukraina matbuotining yozishicha, Xrapko yuzlab odamlarning hayotini saqlab qolgan.
Foto: Reuters}

^{Ukraina harbiy xizmatchisi Yevgeniy Xrapkoning qabri tepasida.
Foto: Reuters}
Donbass shimoli

^{Privole — Lugansk viloyatining g‘arbiy qismida, Lisichansk va Severodonetskdan bir necha kilometr uzoqlikda joylashgan kichik shaharcha. 13 iyun kuni otishmalar fonida Ukraina politsiyasi va ko‘ngillilar u yerdan 32 nafar aholini evakuatsiya qilishga muvaffaq bo‘ldi, deb yozadi «Gromadske».
Foto: AFP}

^{Tankdagi ukrainalik askar. Hozirda urushning eng qaynoq nuqtasi Severodonetsk bo‘lib turibdi.
Foto: AFP}

^{Ukraina artilleriyachilari Lisichansk yaqinidagi pozitsiyalarda, u yer doimiy ravishda o‘qqa tutilmoqda.
Foto: AFP}

^{Ukraina harbiy xizmatchilari Nyu-York posyolkasi yaqinidagi pozitsiyalarda (posyolka 1951—2021 yillarda Novgorodskoye deb atalgan).
Foto: Reuters}

^{Dobropole shahrida bombardimonlardan vayron bo‘lgan uylar.
Foto: Anadolu}
Odessa

^{Bo‘shab qolgan kurort plyajining ko‘rinishi. Urush boshida ukrainalik harbiylar qirg‘oq bo‘ylab minalar o‘rnatgan va plyajlarni o‘rab qo‘ygan. Odessa uchun asosiy daromad manbalaridan biri bo‘lgan turizm biznesi bu yil xavf ostida.
Foto: Reuters} Rossiya va Ukraina urushi