17:58 / 21.06.2022

Urushning 117-kuni: Xarkovda raketa hujumidan qolgan o‘ralar, bomba boshpanasida yashayotgan odamlar

20 iyun kuni Ukraina prezident ofisi rahbarining maslahatchisi Aleksey Arestovich urush boshlanganidan beri mamlakatda 10 ming ukrainalik askar halok bo‘lganini, yana 30 ming nafari yaralanganini aytdi. Qrim rahbari Sergey Aksenov Ukraina Qurolli kuchlarining «Chornomornaftogaz»ning burg‘ilash platformalariga zarba berganini xabar qildi. Uch kishi jarohatlangan, yana yetti kishi bedarak yo‘qolgan. Rossiya tomonidan DXR va LXRni tan olish mavzusi Rossiyaning zamonaviy tarixi bo‘yicha 9-sinflar uchun namunali maktab o‘quv dasturiga kiritildi. Meduza urushning 117-kunidan asosiy suratlarini jamladi.

Xarkov viloyati

^{Xarkov viloyati aholisi Lyubotinskiy temir yo‘l transporti kasb-hunar litseyiga urilgan raketa oqibatlarini bartaraf etmoqda. Hujum guvohlarining so‘zlariga ko‘ra, qurbonlar yo‘q. Lyubotin mintaqaning g‘arbiy qismida joylashgan. Boshqa yo‘nalishda, Xarkovdan janubi-sharqda, Rossiya kuchlari muvaffaqiyatsiz razvedka va artilleriya hujumlarini amalga oshirgan, AQSH Urushni o‘rganish institutiga ko‘ra, bu zarbalar Ukrainaning mintaqadagi qarshi hujumlariga javoban yo‘llangan bo‘lishi mumkin. Vladimir Zelenskiyning aytishicha, Rossiya armiyasi Xarkovga hujum uchun kuch yig‘moqda.
Foto: EPA}

^{Xarkov shimolidagi Malaya Danilovka posyolkasi aholisi tungi o‘qqa tutishlardan keyin paydo bo‘lgan o‘rani ko‘zdan kechirmoqda. Surat Xarkov davlat veterinariya akademiyasining shikastlangan binosidagi singan derazadan olingan.
Foto: Reuters}

^{Xarkov davlat veterinariya akademiyasi xodimi shikastlangan qushlar maketini olib tashlamoqda.
Foto: Reuters}

^{Xarkov aholisi Nemishlyanskiy tumanidagi yong‘inni o‘chirishga urinayotgan o‘t o‘chiruvchilarni kuzatmoqda. Taxminlarga ko‘ra, yong‘in o‘qqa tutilishlar ortidan yuzaga kelgan.
Foto: Reuters}

^{Sobiq hamshira Natalya Leus Xarkovdagi bomba boshpanasida yashaydi. U bu yerga o‘qqa tutilayotgan viloyat sharqidagi Kutuzovka qishlog‘idan ko‘chib kelgan. 20 iyun kuni Xarkov viloyatida, viloyat hokimligi rahbari Oleg Sinegubovning so‘zlariga ko‘ra, uch kishi — Kutuzovkadan 65 yoshli ayol, Balakliyadan 61 yoshli ayol va 49 yoshli erkak halok bo‘lgan. Xarkov sanoat tumanida yana ikki kishi yaralangan.
Foto: Anadolu}

^{Sobiq haydovchi Yuriy Leus Xarkovdagi bomba boshpanasida.
Foto: Anadolu}

^{Kutuzovkalik fermer Nadejda Boyko bomba boshpanasida.
Foto: Anadolu}

^{Kutuzovkalik 73 yoshli Marfa ham hozir bomba boshpanasida yashaydi.
Foto: Anadolu}
Donbass shimoli

^{Donetsk viloyati shimoli-g‘arbidagi Pokrovsk shahrida evakuatsiya poyezdida urush zonasini tark etishni kutayotgan keksa ayol va uning yonidagi harbiy. O‘tgan hafta Pokrovsk o‘qqa tutildi.
Foto: AP Photo}

^{Lisichansk ko‘chasida shikastlangan mashina va vayronalar. Ukraina Qurolli kuchlari Bosh shtabining hisobotiga ko‘ra, Rossiya kuchlari Severodonetsk yo‘nalishida turli kalibrli artilleriyadan Ukraina pozitsiyalarini o‘qqa tutmoqda. Aviazarbalar Lisichansk, Ustinovka, Gorniy yaqiniga berilgan.
Foto: Sopa Images}