Rupert Merdok va Jerri Xoll
Foto: Reuters
Amerikalik mediamagnat Rupert Merdok rafiqasi, aktrisa va model Jerri Xoll bilan ajrashmoqda, deb yozadi The New York Times juftlikning qaroridan xabardor ikki manbaga tayanib. Tadbirkorning matbuot kotibi izoh berishdan bosh tortgan. Xollning vakillari bilan esa bog‘lanish imkoni bo‘lmagan.
Merdok va Xoll 2016 yilda turmush qurgan edi, marosim Londonda bo‘lib o‘tgan. Bu biznesmenning to‘rtinchi nikohi edi. To‘ydan so‘ng u Twitter’dagi sahifasida post yozishni to‘xtatishini ma’lum qildi va o‘zini «dunyodagi eng omadli va baxtli odam» deb atadi. Mediamagnatning oilasiga yaqin manbalar u xotiniga ko‘proq vaqt ajratishga qaror qilganini aytdi.
NYT’ning yozishicha, ajrashuv Merdok oilasiga tegishli kompaniyalarning mulkchilik tuzilmasini o‘zgartirishi «ehtimoli yo‘q». Ulardagi aksiyalar ishonchli boshqaruvda, deb yozadi gazeta.
Rupert Merdok — amerikalik biznesmen, dunyodagi eng yirik HarperCollins nashriyot uylaridan birini, Fox News telekanali, The Wall Street Journal, New York Post, The Sun, The Times gazetalari hamda AQSH, Buyuk Britaniya va Avstraliyadagi boshqa ingliz nashrlarini boshqaradigan bir qancha mediaxoldinglar asoschisi va egasi. Forbes Merdokning boyligini 17,7 milliard dollarga baholagan.
Merdok 91 yoshda va to‘rt marta turmush qurgan. Biznesmenning birinchi rafiqasi melburnlik sobiq styuardessa Patrisiya Buker edi. Ular deyarli o‘n yil yashadi. Merdokning ikkinchi xotini The Daily Telegraph jurnalisti Anna Mann bo‘lgan, ular 30 yillik turmushidan keyin ajrashdi.
Uchinchi marta mediamagnat ikkinchi xotini bilan ajrashganidan 17 kun o‘tib oila qurdi — 30 yoshli Yel universiteti bitiruvchisi Vendi Deng uning rafiqasiga aylandi. Nikoh 13 yil davom etdi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH harbiylari orasida o‘z joniga qasd qilish ko‘paydi
Yaxshi pishgan va mazali anor tanlashga yordam beradigan tavsiyalar
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Donald Tramp 27 yoshli Karolin Levittni Oq uy matbuot kotibi etib tayinlamoqchi
Jo Bayden: “Ba’zan xotinim meni kosmosga jo‘natish bilan tahdid qiladi”
Ayrim boshqaruv servis kompaniyalari shartnomalarida asossiz shartlar belgilangani aniqlandi
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
