Pushkov Polshaning yolg‘on gapirayotganiga ishora qildi

Polsha hukumati energetika borasida Moskvaga muhtoj emasligi haqidagi agressiv ritorikasiga qaramay, Rossiya gazini sotib olishda davom etmoqda, deb yozdi senator Aleksey Pushkov Telegram-kanalida. Avvalroq hukumat matbuot kotibi Pyotr Naimskiy Varshava “Rossiya gazisiz yashay olishi”ni aytgan edi.

"Varshava Rossiya gazisiz yashay olishini aytdi. Faqat Polsha Rossiya gazini Germaniyadan revers orqali sotib olayotganini aytishni unutishdi. Umuman ular bizning gazsiz ham yashay olishlari mumkindek ko‘rinadi, lekin sotib olishni maʼqul ko‘rishadi", - dedi Pushkov.

Eslatib o‘tamiz, Vladimir Putin 1 apreldan boshlab, Rossiyaga qarshi sanksiyalar kirtgan nodo‘st mamlakatlar uchun gaz to‘lovini rublga o‘tkazish tartibini belgilab qo‘ygan edi. Bunday chora Rossiya valyuta hisob raqamlarini va xorijdagi valyuta zahiralari muzlatib qo‘yilganidan so‘ng amalga oshirilgan edi.

Gazprom Bolgariya va Polsha gaz uchun to‘lovni amalga oshirmagani tufayli, 27 apreldan boshlab ushbu mamlkatlarga gaz yetkazib berishni to‘xtatgan. Shu bilan birga, kompaniya Sofiya va Varshava noqonuniy yonilg‘i olishni boshlasa, boshqa mamlakatlarga ham gaz tranzitini kamaytirishi haqida ogohlantirgan edi.