Donbassda Ukraina tomonidan jang qilgan ikki amerikalik, bir shved va bir kanadalik halok bo‘ldi

^{Foto: Getty Images}
Ukraina xalqaro legioni tarkibida jang qilgan ikki nafar AQSH fuqarosi, bir shved va bir kanadalik Donetsk viloyatida Rossiya tankining hujumi oqibatida halok bo‘ldi. Bu haqda Politico xabar bermoqda.

Qurbonlarning qo‘mondoni bo‘lgan Ruslan Miroshnichenko nashrga ma’lum qilishicha, jangchilar mudofaaning maxsus operatsiya kuchlari tarkibida bo‘lgan.

Miroshnichenkoning so‘zlariga ko‘ra, halok bo‘lgan xorijliklarga Rossiya qo‘shinlari o‘rnashgan jarlikni tozalash vazifasi berilgan — u yerda rossiyaliklar daryoni kesib o‘tishni mashq qilayotgan edi. Xorijliklar vazifani bajargan, lekin keyin rus tanklarining pistirmasiga tushgan.

Ukraina xalqaro hududiy mudofaa legioni fevral oyida, Rossiya bosqini boshlanganidan ko‘p o‘tmay tuzilgan edi. Kiyevda 50 dan ortiq davlatdan 20 mingga yaqin ko‘ngilli legionga ro‘yxatdan o‘tgani ma’lum qilingan. “Zamin” yangiliklarini “Youtube”da kuzatib boring