
Jozep Borrel
Foto: Europian Union
BBC nashriga bergan intervyusida Yevroittifoqning tashqi siyosat bo‘yicha oliy vakili Jozep Borrel Rossiya prezidenti Vladimir Putin o‘zining safarbarlik haqidagi murojaatida aytib o‘tgan tahdidlarni e’tiborsiz qoldirish kerak emasligini ta’kidladi.
«Albatta, bu xavfli lahza, chunki Rossiya armiyasi burchakka tiqib qo‘yildi, Putinning reaksiyasi — yadro qurolini qo‘llash tahdidi esa juda chatoq bo‘ldi», — dedi Borrel.
Uning qayd etishicha, Rossiya bilan urushni tugatish haqida diplomatik kelishuvga erishish zarur — Ukraina suvereniteti va hududiy yaxlitligiga rioya etilishi sharti bilan.
«Aks holda, urush tugaydi, ammo tinchlik bo‘lmaydi va yana boshqa urush boshlanadi», — dedi Borrel.
Eslatib o‘tamiz, 21 sentyabr kuni Putin Rossiya o‘z hududiy yaxlitligini himoya qilish uchun qo‘l ostidagi barcha vositalarni ishga solishga tayyorligini bildirgandi. «Bu quruq tahdid emas», — degandi u o‘z murojaatida.

Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar