13:22 / 27.04.2016
6 524

Dehlida 160 million yillik dinozavr suyaklari saqlanadigan muzey yonib ketdi

Dehlida 160 million yillik dinozavr suyaklari saqlanadigan muzey yonib ketdi
Hindistonning Dehli shahrida joylashgan Tabiat tarixi milliy muzeyi binosida yong‘in kelib chiqdi. Mazkur muzeyda o‘simlik va hayvonlar eksponatlari, shuningdek dinozavrlarning suyak qoldiqlari saqlanadi. Bu haqda “Qalampir.uz” xabar berdi.

Yong‘in muzey ochilishidan bir necha soat oldin chiqqan. Olov muzeyning yuqori qavatida alangalanib, boshqa hududlarga tarqalgan. Yong‘inni o‘chirish uchun yuzdan ortiq o‘t o‘chiruvchilar uch soat davomida ter to‘kdilar

Dehli o‘t o‘chirish xizmati boshlig‘i o‘rinbosari Rajesh Panvarning so‘zlariga ko‘ra, muzey yong‘in oqibatida katta talofat ko‘rgan. Bundan tashqari, muzey binosida ta’mirlash ishlari olib borilayotgaligi tufayli o‘t o‘chirish tizimi o‘chirib qo‘yilgan. Bu ham yong‘inning tez tarqalishiga sabab bo‘ldi.

Yong‘in oqibatida ko‘rilgan umumiy zarar o‘t o‘chiruvchilar binoni ko‘zdan kechirib chiqqandan so‘ng aniq bo‘ladi.

Ma’lumot o‘rnida, Dehlidagi Tabiat tarixi milliy muzeyi 1978 yilda ochilgan. Muzeydagi dinozavr suyaklari qoldiqlari 160 mln yilgacha borib taqaladi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Dehlida 160 million yillik dinozavr suyaklari saqlanadigan muzey yonib ketdi