Rossiya prezidenti Vladimir Putinning Rossiya tarkibiga yangi hududlarni qo‘shish bo‘yicha shartnomalarni imzolash marosimidagi nutqi Moskvaning G‘arb yetakchiligidagi dunyo tartibiga barham berish istagidan dalolat beradi. Bu haqda “National Interest” sharhlovchisi Mark Episkopos yozmoqda.
Uning fikricha, Rossiya rahbarining murojaati uning 2007 yilda Myunxen xavfsizlik konferensiyasida so‘zlagan nutqida qayd etilgan g‘arbga qarshi rivojlanayotgan tendensiyalarning mantiqiy yakunini ko‘rsatadi.
“Putinning xabari aniq: Rossiya G‘arb boshchiligidagi o‘zi berk va despotik deb hisoblayotgan dunyo tartibini ag‘darish uchun kurashmoqda”, dedi Episkopos.
Maqola muallifi Putin SSSR parchalanganidan keyin mavjud bo‘lgan xalqaro tartibni tubdan qayta ko‘rib chiqish uchun qat’iylik ko‘rsatmoqchi bo‘lganini taxmin qilgan.
“Nutq, asosan, Afrikaning qul savdosi va talon-taroj qilinishi, Amerikadagi indeys qabilalarining genotsidi, Xirosima va Nagasaki atom bombalari va Vetnamning gilam bombardimoniga ishora qilib, G‘arb dunyosining keskin qoralanishi sifatida qaralyapti”, deyiladi xabarda.
30 sentyabr kuni Vladimir Putin Kremlda nutq so‘zlab, u boshlangan G‘arb gegemonligining qulashi qaytarib bo‘lmas ekani, dunyo fundamental xarakterga ega bo‘lgan inqilobiy o‘zgarishlar davriga kirganini aytdi.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
