Microsoft asoschisi va dunyodagi eng boy odamlardan biri Bill Geyts o‘zining hayotda shaxsiy muvaffaqiyatga erishishingizga yordam beradigan to‘rtta haqiqati haqida so‘zlab berdi.
Bill Geyts o‘zingizni boringizcha qabul qilishni tavsiya qiladi. Chunki bu o‘zingizga nisbatan ishonch paydo bo‘lishi va to‘g‘ri yo‘nalishda rivojlanish imkonini beradi.
“Bu dunyoda o‘zingizni hech kim bilan solishtirmang. Agar shunday qilsangiz, o‘zingizni yerga urgan bo‘lasiz”, — deya ta’kidlaydi tadbirkor.
Geyts xatolardan xafa bo‘lmaslikni, aksincha ulardan saboq olishni maslahat beradi. Muvaffaqiyatlar — qora-oq tushuncha yoki hayot “hamma yoki hech narsa” qabilida talqin qilinmasligi kerak. Uning fikricha, bu e’tiqod muvaffaqiyatsizlikdan qo‘rquvni keltirib chiqaradi va rivojlanishga to‘sqinlik qiladi.
Geytsning uchinchi maslahati — hayotingiz uchun shaxsiy javobgarlikni o‘z zimmangizga oling.
"Bordi-yu, iqtisodiy ahvoli nochorroq bo‘lgan oilada tug‘ilgan bo‘lsangiz, bu sizning aybingiz emas. Ammo kambag‘al bo‘lib vafot etsangiz, aybdorsiz", - deydi Bill Geyts.
Milliarderning ishonchi komilki, o‘z hayotini nazoratga olgan insonlar qashshoqlikning ayovsiz doirasidan chiqib, o‘sish va muvaffaqiyat uchun imkoniyatlardan foydalana oladi.
To‘rtinchi tavsiya hayotda biror narsaga erishganlarga qaratilgan:
Katta maqsadlar va orzularga erishgandan so‘ng, xotirjamlik bilan kurashish muhimdir. Axir bu tuyg‘u xotirjamlikka va tajribani davom ettirishni istamaslikka olib keladi. Bu esa shaxsiy rivojlanishga to‘sqinlik qiladi. Bunday tuzoqqa tushib qolmaslik uchun tadbirkor o‘zida yangi g‘oyalarni sinab ko‘rishni, qarorlar qabul qilishdan qo‘rqmaslikni va boshqa odamlarning fikrini tinglashni maslahat beradi. Bu muvaffaqiyat uchun yaxshi strategiya, deya xulosa qiladi tadbirkor.
“Zamin” yangiliklarini “Telegram”da kuzatib boring
