Turk parlamenti mamlakatning O‘zbekiston bilan aloqasiga doir qator hujjatlarni qabul qildi

O‘zbekistonning Istanbul shahridagi Bosh konsulxonasi xabar berishicha, 15 may, chorshanba kuni Turkiya Respublikasining rasmiy gazetasida Turkiya Respublikasi Hukumati va O‘zbekiston Respublikasi Hukumati o‘rtasidagi ayrim muhim hamkorlikka oid qonunlar, bitimlar va protokollar Parlament tomonidan qabul qilinganligi eʼlon qilindi.

Jumladan:

O‘zbekiston Respublikasi Hukumati bilan Turkiya Respublikasi Hukumati o‘rtasida O‘zbekiston Respublikasida Turkiya hamkorlik va muvofiqlashtirish agentligi faoliyati to‘g‘risidagi Bitim;
O‘zbekiston Respublikasi Hukumati bilan Turkiya Respublikasi Hukumati o‘rtasida jinoyatchilikka qarshi kurashda hamkorlik qilish to‘g‘risidagi Bitim;
O‘zbekiston Respublikasi Hukumati bilan Turkiya Respublikasi Hukumati o‘rtasida huquqni muhofaza qilish sohasida o‘qitish bo‘yicha hamkorlik to‘g‘risidagi Protokol;
O‘zbekiston Respublikasi Hukumati bilan Turkiya Respublikasi Hukumati o‘rtasida harbiy hadli Bitim;
O‘zbekiston Respublikasi Hukumati bilan Turkiya Respublikasi Hukumati o‘rtasida mudofaa sanoati sohasida hamkorlik to‘g‘risidagi Bitim;
O‘zbekiston Respublikasi Hukumati bilan Turkiya Respublikasi Hukumati o‘rtasida mahkumlarni topshirish to‘g‘risidagi Bitim;
O‘zbekiston Respublikasi Hukumati bilan Turkiya Respublikasi Hukumati o‘rtasida mehnat migrantlari va ularning oila aʼzolari huquqlarini himoya qilish to‘g‘risidagi Bitim.

Yangiliklar