Dastlab mohir bodibilder sifatida tanilgan, “Terminator”, “Yirtqich” va “Qizil jazirama” kabi ajoyib jangari filmlardagi rollari tufayli xalqaro yulduzga aylangan 77 yoshli Shvarseneggerning ko‘rinishi uning salomatligi yomonlashgani haqidagi turli mish-mishlarga sabab bo‘ldi. Shvarsenegger muxlislari Gollivud aktyorining sog‘lig‘idan xavotirda, deb yozadi Kino.mail.ru.
Foto: Variety
Suratga olish ishlari Nyu Yorkda bo‘lib o‘tayotgan “Qop ko‘targan odam” filmi uchun aktyor Santa Klaus obrazida namoyon bo‘ldi. Shvarseneggerning shahar ko‘chalari bo‘ylab og‘ir va juda sekin qadam bosishini ko‘rgan muxlislar bundan hayratda qoldi.
Ijtimoiy tarmoqlarda foydalanuvchilar “Aktyor ancha qarib qolibdi”, “Arnold 2 oyda 200 yilga qaribdi”, “U 'Terminator' filmidagi vaqt mashinasini unutib qoldirgan ko‘rinadi”, “Shvarsenegger Trampdan kattaroq ko‘rinar ekan”, deya turli izohlar qoldirishdi.
Rejissyor Adam Shenkmanning yangi jangovar komediyasida Santa Klaus (Shvarsenegger) sehrli qopini o‘g‘irlab ketishadi. O‘g‘rini izlab topish uchun Santa yil davomida quloqsiz bo‘lgan va o‘zini yomon tutgan bolalar ro‘yxatini qayta ko‘rib chiqadi va jinoyatchini izlash uchun o‘ziga mitti yordamchini izlashga tushadi.
Foto: TMZ
Avvalroq mart oyida Arnold Shvarseneggerga yurak stimulyatori o‘rnatilgani haqida xabar berilgandi. 76 yoshli aktyor tashvishga tushgan muxlislariga javoban “hammasi yaxshi” ekanini bildirgan edi. So‘ng sentyabr oyi boshlarida Gollivud yulduzi Berlindagi Hertie School xususiy universitetining faxriy doktori unvonini olgan edi.
Ma’lumot uchun, Arnold Shvarsenegger 1947 yil 30 iyulda Avstriyaning Tal shahrida tug‘ilgan. Dastlab mohir bodibilder sifatida tanilgan aktyor “Terminator”, “Yirtqich” va “Qizil jazirama” kabi ajoyib jangari filmlardagi rollari tufayli xalqaro yulduzga aylangan. 1966 yilda u “Dunyoning eng kelishgan erkagi” tanlovida ikkinchi o‘rinni egallagan va 1967 yilda u mutlaq g‘olib bo‘lgan. 2003 yildan 2011 yilgacha u Kaliforniya gubernatori bo‘lib ishlagan. Juda kam oylik olganiga qaramay, Shvarseneggerning o‘zi “ushbu vaqtni hayotidagi eng yaxshi davri” deb hisoblaydi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Turkiy davlatlar feyk va dezinformatsiyaga qarshi birgalikda kurashadi
Shavkat Mirziyoyev rossiyalik generalning o‘limi munosabati bilan Putinga hamdardlik bildirdi
Xitoy va Hindiston Himolaydagi yarim asrlik hududiy nizoni hal qilmoqchi
Al-Juloniy: “Suriya Afg‘oniston emas va bo‘lmaydi ham”
Rossiya Kursk viloyati va Ukraina sharqida hujumlarni kuchaytirmoqda
Putin Suriyadagi vaziyatdan foyda ko‘rgan davlat nomini aytdi
Isroilning qariyb 2 mln aholisi qashshoqlikda kun kechirmoqda
O‘zbekiston sun’iy intellektga tayyorgarlik indeksida 17 o‘ringa yuqoriladi
