Rossiya prezidenti matbuot kotibi Dmtiriy Peskov bugungi brifingda Kreml Ozarbayjon parlamenti deputati Rasim Musabekovning bayonotini koʻrganini aytdi.
«Kreml Ozarbayjon deputatining Oqtauda halokatga uchragan samolyot Rossiya havo mudofaasi tomonidan urib tushirilgani haqidagi bayonotini koʻrdi», – dedi Peskov.
Biroq u samolyot halokati sabablari haqida izoh berishdan bosh tortdi.
«Ushbu aviatsiya hodisasi boʻyicha tergov olib borilmoqda va tergovdan xulosa chiqarilgunga qadar biz oʻzimizni hech qanday baho berishga haqli deb hisoblamaymiz va bunday qilmaymiz. Bizning aviatsiya idoralarimiz bu borada tegishli xulosani beradi va yakuniy qarorni faqat ulardan olishimiz mumkin», – deydi Dmitriy Peskov.
Eslatib oʻtamiz, 26 dekabr kuni ozarbayjonlik deputat Rasim Musabekov Oqtau yaqinida halokatga uchragan Ozarbayjon havo yoʻllari samolyoti «Rossiya hududida, Grozniy osmonida urib tushirilgani»ni aytgan va shuningdek, Moskvadan rasmiy uzr soʻrashni talab qilgan edi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
