Yahyo Sinvar arab dunyosida “Yil odami” deb topildi

Misrning Rasd TV telekanali tomonidan oʻtkazilgan soʻrovnomaga koʻra, HAMAS harakatining sobiq rahbari Yahyo Sinvar arab dunyosida 2024 yilning eng koʻzga koʻringan shaxsi, deb e'tirof etildi. U 300 mingdan ortiq ovoz bergan ishtirokchilarning 85 foizi tomonidan tanlangan.

Yahyo Sinvar 2024 yilning 18 oktyabrida Isroil kuchlari bilan toʻqnashuv paytida halok boʻlgan. Sinvarning hayoti va jasorati, Falastinni ozod qilish yoʻlidagi qat'iy harakatlari uni arab dunyosida qarshilik va birlik ramziga aylantirdi.

Sinvar fidoyiligi va kurashga boʻlgan sadoqati tufayli millionlab musulmonlarning ehtiromini qozongan. Uning harakatlari faqat Gʻazo sektorida emas, balki butun arab dunyosidagi kurashchilarga ilhom manbai boʻlib xizmat qilmoqda.

Sinvar oʻlimidan oldin yozgan soʻnggi satrlarida shunday degan:

“Vaqt etdi: Ey onam, men tushimda koʻrdim. Jannat bogʻlarida Rasululloh sollallohu alayhi vasallam qarshisida turardim. Ular: "Ofarin! Qoyil!” dedilar". “Zamin”ni Telegramʻda oʻqing!