Moskva sharqidagi yongʻinda 80 kishi qutqarildi

Moskva sharqiy qismida, sobiq Elektrozavod binosida sodir boʻlgan yongʻinda 80 kishi qutqarildi, yana 5 kishi tibbiy yordamga muhtoj boʻldi, deb xabar berdi Rossiya Favqulodda vaziyatlar vazirligining Moskva boʻlimi rahbari oʻrinbosari Ilya Misuna.

Yongʻin tafsilotlari:
- Yongʻin Elektrozavodskaya koʻchasi, 21-uy manzilida joylashgan binoning ikkinchi qavatida boshlangan.
- Ushbu binoda 200 dan ortiq tashkilot faoliyat yuritadi, jumladan, xizmat koʻrsatish markazlari va doʻkonlar.
- Yongʻin maydoni 300 kv. metr ni tashkil etdi.
- Ochiq olov soat 21:00 da butunlay oʻchirilgan.

Moskva meri Sergey Sobyanin ham voqea boʻyicha rasmiy bayonot berdi va jabrlangan besh kishining hayoti xavf ostida emasligini ta'kidladi. “Zamin” yangiliklarini “Telegram”da kuzatib boring