2023 yil yanvar oyida taniqli turk aktyori, xonanda va rejissyor Oʻzjan Deniz oʻzidan 22 yosh kichik ayol — eronlik dizayner Samar Dadgarga uylangan edi. Turk seriallari yulduzining bu tanlovi minglab muxlislarini va yaqin qarindoshlarini hayratda qoldirdi. Ammo Denizning soʻzlariga koʻra, yoshdagi farq ularning oilaviy baxtiga toʻsqinlik qilmaydi, deb yozadi Daryo nashri.
Foto: Yasemin
Ularning ishqiy munosabatlari 2021 yilning yozida Oʻzjanning “Seni uzoq kutdim” nomli yangi loyihasini suratga olish vaqtida boshlangan. Aktyorning oʻzi Dadgarga turmush qurish taklifini bildirgan, ammo uning onasi bu nikohga va oʻgʻlining navbatdagi oʻzidan ancha yosh qiz bilan munosabatiga qarshi boʻlgan. Juftlik munosabatlarini uzoq vaqt sir saqladi, ammo his-tuygʻular jiddiy ekaniga ishonch hosil qilgandan soʻng, uni oshkor qilishga qaror qildi.
Foto: Yasemin
Foto: Yasemin
Oʻzjan va Samarning toʻyidan bir necha oy oʻtgach, aktyor oʻzining akasi va menejeri boʻlgan Erkan Demir bilan hamkorlik qilishdan bosh tortdi. Ma'lum vaqt oʻtib, aktyorning onasi bilan aloqalarni uzgani haqida mish-mishlar tarqala boshladi.
Dengizning singlisi Yurdaning soʻzlariga koʻra, kelini Samar moddiy manfaat olish uchun Oʻzjanga turmushga chiqqan. Qolaversa, uning salbiy xulq-atvori tufayli aktyor yaqinlaridan yuz oʻgirgan. Bunga javoban soʻng aktyor singlisiga ochiqchasiga e'tiroz bildirdi va unga qarshi qoʻygan ayblovchi dalillarni e'lon qilish bilan singlisiga tahdid qildi. Shuningdek, Oʻzjan Deniz doimo rafiqasi tarafida boʻlishini eslatib qoʻydi.
Oʻzjan Deniz va uning singlisi Yurda Guler
Turk aktyori oilasidagi mojarolar ortda qolgandek edi, ammo Oʻzjanning ukasi Erkan Demir yangi bayonot bilan chiqdi.
Tube Bedrik telekanaliga bergan intervyusida u Oʻzjan Denizni oʻz onasini uydan haydab, singlisi Yurdani bolasining koʻz oʻngida kaltaklaganini aytdi. Erkan Demirning bu soʻzlari jamoatchilikni hayratda qoldirdi.
Unga qaratilgan barcha ayblovlarga Oʻzjan quyidagicha javob berdi:
“Men va oila a'zolarim oʻrtasida endi hech qanday aloqa yoʻq. Bularning bari mening yaramas singlimning aybi bilan boʻldi”, dedi.
Foto: Instagram
Avvalroq Oʻzjan Deniz bir necha bor oilasi bilan munosabatlarini saqlab qolishni istashini, ammo buning uchun ular aktyorning tanlovi — rafiqasi Dadgarni hurmat qilishlarini va u bilan yaxshi munosabatda boʻlishlarini istashini ma'lum qilgan.
Eslatib oʻtamiz, Oʻzjan Deniz oʻzbek tomoshabinlariga “Ishkomli uy”, “Iyun oqshomi” va “Istanbullik kelin” va soʻnggi kunlarda mashhurlikka erishayotgan “Qirmizi atirgul” seriallari orqali tanish. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
