JSST: 2050-yilda 2,5 milliard yosh eshitish qobiliyatidan ayrilishi mumkin

Dunyo bo‘ylab 1 milliarddan ortiq yoshlar musiqani xavfli tarzda tinglash natijasida eshitish qobiliyatini yo‘qotish xavfi ostida, deb xabar berdi TASS JSSTning Rossiyadagi vakili Batir Berdikliçev so‘zlariga tayanib.

Mutaxassisning ta’kidlashicha, 2050-yilda 2,5 milliardga yaqin yoshlar eshitish qobiliyatining turli darajada yo‘qolishidan aziyat chekadi. Shuningdek, yana 700 million kishi eshitish qobiliyati buzilishidan kelib chiqadigan muammolar sababli reabilitatsiyaga muhtoj bo‘ladi. Bugungi kunda dunyo aholisining taxminan 5% eshitish yo‘qolishidan aziyat chekib, nogironlik darajasiga yetgan.

Bolalar orasida eshitish muammolarining 60% holatda oldini olish mumkin, bu esa kelajakda kar-soqovlikning oldini olish uchun katta imkoniyat yaratadi. JSST vakili 60% dan ortiq eshitish kasalliklarini dastlabki bosqichda davolash mumkinligini qayd etib, tibbiy xizmatlarning qulayligini oshirish muhimligini ta’kidladi.

“Zamin” yangiliklarini “Telegram”da kuzatib boring