Rossiya Mudofaa vazirligi 21 mart kuni Ukraina Qurolli Kuchlarini Kursk viloyatidagi “Sudzha” gaz o‘lchash stansiyasini portlatishda aybladi. Bu harakat, Moskva bayonotiga ko‘ra, AQSh prezidenti Donald Trampning tinchlik tashabbuslarini “disko‘reditatsiya qilishga” qaratilgan provokatsiya bo‘lgan.
Ushbu stansiya 7 avgustdan buyon Ukraina nazoratida bo‘lib, kuniga 40 million kub metr gaz Yevropaga tranzit qilinardi. Rossiyaga ko‘ra, ushbu zarba ikki davlat o‘rtasidagi energiya bo‘yicha tinchlik sa’y-harakatlarini yo‘qqa chiqarishga qaratilgan.
Shu kuni Rossiya 43 ta ukrain droni yo‘q qilinganini ham e'lon qildi. Eng ko‘p hujumlar Volgograd viloyatida, qolganlari esa Kursk, Rostov va Belgorod hududlarida qayd etilgan.
Ukraina Bosh shtabi bu da’volarni inkor etdi. Ularning fikricha, bu navbatdagi “axborot hujumi” bo‘lib, “Sudzha” stansiyasiga oldin ham Rossiyaning o‘zi zarba bergan. Shuningdek, ular tinchlik tashabbusini qo‘llab-quvvatlashda davom etishlarini ta’kidlashgan.
Tramp va Putin 18 mart kuni telefon orqali bog‘lanib, 30 kunlik o‘zaro hujumlardan voz kechish bo‘yicha kelishuvga erishgan. Zelenskiy ham bu tashabbusni ma’qullagan, biroq keyin tomonlar bir-birini shartlarni buzishda ayblashgan.
Manba: Tengrinews.kz
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
