Ukraina qurollarining 40%ini o‘zi ishlab chiqarmoqda — Zelenskiy

Ukraina Rossiyaga qarshi olib borayotgan mudofaa urushida faol ravishda o‘z ichki mudofaa salohiyatini ishga solmoqda. Bu haqda mamlakat prezidenti Volodimir Zelenskiy 16 aprel kuni Kiyevda o‘tkazilgan mudofaa sanoati forumida ma’lum qildi.

“Biz faqat olamga suyanib qolmayapmiz – Ukraina o‘z qurollarini ishlab chiqarmoqda. Hozirgi kunda faol harakatlarda ishlatilayotgan qurollarimizning 40 foizidan ko‘prog‘i mahalliy ishlab chiqarishga tegishli”, — dedi Zelenskiy.

Mudofaa sanoatidagi ulkan qadamlar
Ukraina rahbari ma’lum qilishicha, mamlakatda 1000 dan ortiq turdagi qurol ishlab chiqarilmoqda. Ular orasida artilleriya snaryadlari, uzoq masofali raketalar, dronlar va boshqa mudofaa vositalari bor.

Shuningdek, Zelenskiy Ukraina mudofaa sanoatida xalqaro hamkorlik kengayib borayotganini ta’kidladi. Qo‘shma loyihalar soni ortib bormoqda va mamlakat xavfsizligini ta’minlashda ham ichki, ham tashqi resurslardan samarali foydalanish kerakligini qayd etdi.

Texnologik taraqqiyot: dronlar va raketalar
DPA agentligi ma’lum qilishicha, Ukraina hozirda hujumkor dronlar va artilleriya tizimlarini jadal modernizatsiya qilmoqda. Shuningdek, o‘z raketa dasturini ham izchil rivojlantirmoqda.

Eslatib o‘tamiz, Zelenskiy 2023 yilning iyulida Ukraina tomonidan ishlab chiqarilayotgan uzoq masofali raketalar borasidagi yutuqlar haqida gapirgan edi. “Bu oson vazifa emas, ammo biz faqat sheriklar yetkazib berayotgan raketalarga emas, balki o‘zimizning raketalarga ham tayana boshladik”, — degan edi u. “Zamin”ni Telegramʻda oʻqing!