Papa Fransisk vafot etdi: Vatikan siyosati o‘zgaradimi?

21 aprel kuni 88 yoshida vafot etgan Papa Fransiskning hayoti va faoliyati Vatikan siyosatida keng qamrovli islohotlar va ochiq bayonotlar bilan esda qoldi, deb Vedomosti xabar berdi. Uning o‘limi Rim-katolik cherkovi siyosatida qanday o‘zgarishlar yuz berishini muhokamaga olib chiqdi.

Papa Fransisk zamonaviy muammolarga nisbatan liberal yondashuvi bilan tanilgan. U LGBT jamiyatiga bag‘rikenglik, migrantlarni qo‘llab-quvvatlash, ayollarning cherkovdagi rolini kengaytirish, abort qilgan ayollar uchun gunohlarni kechirish va nikohni bekor qilish tartibini soddalashtirish kabi qarorlar qabul qilgan. Bu esa konservativ qanot vakillarining tanqidlariga sabab bo‘lgan.

Uning davrida Vatikan moliyaviy va boshqaruv tizimida jiddiy islohotlar o‘tkazdi. Diniylararo muloqotga katta e’tibor qaratildi – u ilk bor musulmonlar bilan Abu-Dabidagi birgalikdagi marosimda qatnashdi va pravoslavlar bilan ming yillik tanaffusdan so‘ng uchrashuv o‘tkazdi.

Yangi pontifik o‘rtacha yo‘lni tanlashi mumkin. Ekspertlar ehtimoliy nomzodlar sifatida Vatikan elchisi kardinal Matteo Zuppi, konservator kardinal Peter Erdo, diplomat Pietro Parolin va filippinlik kardinal Antonio Tagleni tilga olishmoqda.

Yaqin istiqbolda Vatikan siyosati "mo‘’tadil modernizm" – an’anaviy e’tiqodning zamonaviy muammolarga moslashuvi orqali global ta’sirni saqlab qolish yo‘nalishida davom etishi kutilmoqda. “Zamin”ni Telegramʻda oʻqing!