Tramp armiyaga rekord budjet so‘ramoqchi

Donald Tramp 2026 moliyaviy yili uchun milliy xavfsizlikni moliyalashtirish maqsadida Kongressga 1,01 trillion dollar so‘rov yuborishni rejalashtirmoqda, deb Nova24.uz xabar berdi.

Bloomberg ma’lumotlariga ko‘ra, bu mablag‘ Golden Dome raketaga qarshi mudofaa tizimi, kemasozlik va yadroviy infratuzilmani modernizatsiya qilishga yo‘naltiriladi. Shuningdek, AQSh harbiylariga 3,8 foiz miqdorida maosh oshiriladi.

Tramp bu taklifni global tahdidlarning o‘sib borayotganiga asoslab shunday dedi:
«Biz armiyani qurishimiz kerak. Xarajatlarga jiddiy yondashamiz, lekin armiyaga e’tibor berishimiz zarur».

Mudofaa vaziri Pit Hegset esa so‘ralayotgan mablag‘ yuqoriligiga qaramay, uni xavfsizlik va tayyorgarlikka oqilona sarflash rejalashtirilayotganini bildirdi. “Zamin”ni Telegramʻda oʻqing!