Rossiya migrantlardan VICH haqida ma'lumot talab qilmoqchi

Rossiyada mehnat migrantlari uchun yangi talab — VICH infeksiyasi yo‘qligini tasdiqlovchi majburiy ma’lumotnoma joriy etilishi mumkin, deb nova24.uz sayti xabar berdi.

TASS ma’lumotiga ko‘ra, bu tashabbus Davlat Dumasining taklifi bilan ilgari surilgan. Qonun loyihasi Mehnat, ijtimoiy siyosat va faxriylar ishlari bo‘yicha qo‘mita raisi Yaroslav Nilov tomonidan ishlab chiqilgan.

Hozirda Rossiyada ishlashni rejalashtirayotgan migrantlarga tibbiy ko‘rikdan o‘tish uchun 30 kun beriladi. Mamlakatga 90 kundan ortiq muddatga kelayotganlar uchun bu muddat 90 kungacha uzaytiriladi.

Nilov tomonidan taklif qilingan o‘zgarishlarga ko‘ra, chet ellik fuqaro chegaradan o‘tayotganda tibbiy sug‘urta, VICH, B va C gepatitlari, sil va sifilis yo‘qligini tasdiqlovchi tahlil natijalarini taqdim etishi kerak bo‘ladi.

Bu tahlillar Rossiyaga kirishdan kamida 10 kun oldin olingan bo‘lishi talab etiladi. Shuningdek, narkotik va psixotrop moddalar yo‘qligini ko‘rsatuvchi test natijasi ham kirishdan 72 soat oldin olingan bo‘lishi shart qilib qo‘yiladi. “Zamin”ni Telegramʻda oʻqing!