O‘zbekistonliklar uchun Germaniyada yangi ish imkoniyatlari

O‘zbekistonliklar Germaniyada qassob bo‘lib ishlash imkoniga ega bo‘ladi, deb NOVA24 xabar berdi. Germaniyaning The International Placement People kompaniyasi O‘zbekiston Mehnat migratsiyasi agentligi bilan hamkorlikda mazkur ish o‘rinlarini taklif qilmoqda. Ish haqi oyiga 1750 yevro (taxminan 25 million so‘m)ni tashkil etadi.

Nomzodlardan 18 yoshdan 44 yoshgacha bo‘lgan jismonan sog‘lom erkaklar, kamida bir yillik ish tajribasiga ega, go‘sht bo‘lish ko‘nikmalariga ega va A2 darajasidagi nemis tili sertifikatiga ega bo‘lish talab qilinadi. Shuningdek, nomzodning diplomi Germaniyaning Anabin tizimida H+ maqomiga ega bo‘lishi kerak.

Ariza topshirish uchun nomzodlar ish joyidan ma'lumotnoma taqdim etishi lozim. Tanlovdan o‘tganlar viza, aviabilet, turar joy va ovqatlanish xarajatlarini o‘z hisobidan qoplashlari kerak bo‘ladi. Mehnat migratsiyasi agentligi bu xarajatlarning bir qismini qoplab beradi. Ish beruvchi esa aeroportdan turar joygacha bo‘lgan transferni ta'minlaydi. Ish haftasi 44 soatni tashkil etadi, sinov muddati esa 3 oy. Qo‘shimcha ravishda, nomzod agentlikka 4 BHM (1,5 million so‘m) miqdorida komissiya to‘lashi kerak bo‘ladi. “Zamin”ni Telegramʻda oʻqing!