Rossiyada xorijiy SIM-kartalardan qo'ng'iroqlar qabul qilish taqiqlanishi mumkin

Rossiyada telefon qallobligiga qarshi kurashish maqsadida yangi qonun loyihasi ishlab chiqildi. Unga ko'ra, rossiyalik abonentlarga xorijiy SIM-kartalardan kelayotgan qo'ng'iroqlarni qabul qilish taqiqlanishi mumkin, deb xabar berdi Rozetked.me.

Loyihaga ko'ra, xorijiy raqamlardan qo'ng'iroqlar qabul qilishni xohlagan abonentlar o'z operatorlariga bu haqida oldindan xabar berishi kerak bo'ladi. Operatorlar esa bunday qo'ng'iroqlarni maxsus belgilar bilan ajratib ko'rsatishi shart bo'ladi.

Shuningdek, operatorlar qalloblikda gumon qilingan raqamlarni bloklashlari va maxsus reyestrga kiritishlari talab etiladi. Agar operator bunday raqamni bloklamasa va abonentga zarar yetkazilsa, operator ushbu zararini qoplashga majbur bo'ladi.

Qonun loyihasi hozirda muhokama jarayonida bo'lib, 2026 yil 1 martdan kuchga kirishi mumkin. “Zamin”ni Telegramʻda oʻqing!