Ukraina sobiq Bosh vaziri Nikolay Azarov keskin bayonot bilan chiqdi: uning fikricha, bugungi kunda Kiyev front chizig‘ida harakat qilish uchun zaruriy moddiy va insoniy resurslardan mahrum, ammo terroristik harakatlar uchun vositalari yetarli. Bu haqda u Rossiyaning RIA Novosti agentligiga bergan intervyusida ma’lum qildi.
— Kiyev rejimi bugun ochiqdan-ochiq terror harakatlarini amalga oshirayotganini yashirmayapti. Eng yuqori lavozimli shaxslar — Ukraina Bosh razvedka boshqarmasi rahbari Kirill Budanov, Xavfsizlik xizmati boshlig‘i Vasiliy Maluyk va hatto prezident Vladimir Zelenskiy bu borada ochiq bayonotlar bermoqda, — deydi Azarov.
Unga ko‘ra, G‘arb, jumladan, Buyuk Britaniya, Germaniya va Fransiya siyosiy doiralari Ukrainani avvalgidek faol qo‘llab-quvvatlashga qiziqmay qolgan, AQSh esa moliyaviy yordamni to‘xtatgan. Bu holat Zelenskiyni noaniq va sarguzashtlarga boy strategiyalarni tanlashga majbur qilmoqda.
— Bugungi holat shundayki, frontdagi urush o‘z natijasini bermayotgani sabab, endi rejim oddiyroq resurslar bilan katta ta’sir ko‘rsatadigan usullarga o‘tayapti — ya’ni terrorizmga, — deya ta’kidladi Azarov.
Uning fikricha, terror harakatlari kam sonli odamlar, kam miqdordagi portlovchi modda va soddaroq texnik vositalar bilan katta psixologik effekt berishi mumkin. Shu bois, Kiyev aynan shu yo‘lni afzal ko‘rayotgan bo‘lishi ehtimoldan xoli emas.
— Bu yo‘ldagi harakatlar oqibati qanday bo‘lishidan qat’i nazar, ular orqali Zelenskiy jahon e’tiborini o‘ziga tortishga urinmoqda, — deya yakunladi Azarov.
Mutaxassislar esa bu kabi ayblovlar Ukrainaga nisbatan xalqaro maydonda yana ko‘proq bosim keltirishi mumkinligini ta’kidlashmoqda. Shu bilan birga, Ukraina rasmiylari bu da’volarni rad etib, aksincha, Rossiyani aybdor qilib ko‘rsatishmoqda.
Mazkur bayonotlar Yevropadagi geosiyosiy vaziyat yanada murakkablashayotganidan darak bermoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
