Buyuk Britaniyada havo harakatini boshqaruvchi NATS tizimida 20 daqiqalik uzilish yuz berib, 150 dan ortiq reys bekor qilinishi va ko‘plab kechikishlarga sabab bo‘ldi. Nosozlikning aniq sababi — Svanvikdagi havo harakati markazida radar maʼlumotlarini ekranga chiqaruvchi tizimda xatolik yuzaga kelgani bo‘ldi. Buning natijasida radarlar samolyotlarning joylashuvini to‘g‘ri ko‘rsata olmay qoldi va xavfsizlik nuqtayi nazaridan barcha parvozlar vaqtincha to‘xtatildi.
NATS – bu osmondagi “milliy infratuzilma”. Radar ishlamay qolganda, tizim xavfsizlik uchun samolyotlar sonini kamaytiradi. Shu bois qisqa uzilish ham katta ta’sir qiladi.
Ryanair va EasyJet kompaniyalari NATS’ni tanqid qilib, 2023-yildagi xatodan saboq olinmaganini aytmoqda. Ryanair hatto NATS rahbari iste’fosini talab qildi. Biroq boshqa mutaxassislar bu fikrga qo‘shilmayapti — ular bunday texnik nosozliklar ba’zida bo‘lishi mumkinligini ta’kidlashmoqda.
Buyuk Britaniya osmoni eng band hududlardan biri hisoblanadi. Yilning eng tanqis davrida yuz bergan nosozlik butun tizimga bosimni yanada oshirdi. Shu bois ayrimlar Janubiy Angliyada qo‘shimcha uchish-qo‘nish yo‘laklari kerakligini aytmoqda.
Hukumat aeroportlarni kengaytirish rejalarini qo‘llab-quvvatlayapti, ammo bu tabiat muhofazasi borasida savollar tug‘dirmoqda.
“Zamin”ni Telegramʻda oʻqing!
