Janubiy Koreyada keksalar va demensiya bilan og‘rigan bemorlar uchun sun’iy intellektga ega qo‘g‘irchoqlar tarqatila boshlandi. “Rest Of World” nashri xabar berishicha, bu innovatsion texnologiya yolg‘izlikka qarshi kurashishda muhim vosita sifatida xizmat qiladi. Mazkur dasturda ChatGPT asosida ishlaydigan Hyodol qo‘g‘irchog‘idan mamlakat bo‘ylab 12 mingdan ortiq nafaqaxo‘r foydalanmoqda, ularning kundalik hayotiga yangi interaktiv element qo‘shildi, deb xabar berdi [Rest Of World].
Qo‘g‘irchoqlar har kuni nafaqaxo‘rlarga “Bugun o‘zingizni qanday his qilyapsiz?” va “Har qanday og‘riq his qilasizmi?” kabi savollar berib, ularning kayfiyati va jismoniy holatini kuzatib boradi. Shuningdek, maxsus sensorlar harakatni qayd etadi va agar bir sutka davomida harakat bo‘lmasa, tezkor xizmatlar va yaqin qarindoshlarga avtomatik ravishda xabar beriladi. Sistema inson kayfiyatida tushkunlik belgilarini ham aniqlab, oldindan ogohlantiradi.
Asosiy maqsad – inson bilan muloqotni ta’minlash va psixologik qo‘llab-quvvatlash. Mustaqil tadqiqotlar shuni ko‘rsatdiki, Hyodol bilan kundalik suhbatlar depressiya va demensiya simptomlarini sezilarli darajada kamaytiradi. Ijtimoiy xodimlar ta’kidlaydilar: “Qariyalar uchun kim bilan gaplashish imkoniyati juda muhim. Ba’zi holatlarda ular aytishni istamagan fikr va his-tuyg‘ularini ham sira farzandlariga ham aytmaydi”.
Biroq bu yangi texnologiyaning bir qator qiyinchiliklari ham bor. Ko‘p nafaqaxo‘rlar qo‘g‘irchoqlarni shaxsiy do‘st sifatida qabul qilib, ularga kiyim kiydirish, taom tayyorlash va hatto Hyodol buzilsa tashvishlanish kabi odatlarni shakllantirgan. Shuningdek, ishlab chiqaruvchi kompaniya bosh direktorining ma’lum qilishicha, ba’zi nafaqaxo‘rlar qo‘g‘irchoqlarini o‘zlari bilan birga dafn etishni ham so‘ragan.
Demensiya bilan og‘rigan keksalar qo‘g‘irchoqning gaplarini to‘g‘ridan to‘g‘ri qabul qiladi. Shu sababli ishlab chiquvchilar chat-botda ba’zi provokatsion iboralarni cheklashga majbur bo‘lgan. Biroq tahlilchilar fikriga ko‘ra, 2030 yilga kelib qariyalarga g‘amxo‘rlik qiluvchi sun’iy intellektli robotlar bozori 7,7 milliard AQSH dollariga yetishi kutilmoqda.
Hyodol qo‘g‘irchoqlari nafaqat yolg‘izlikka qarshi kurashish, balki keksalarning kundalik hayotini tartibga solish va oila a’zolariga qo‘shimcha ma’lumot berishda ham muhim ahamiyat kasb etadi. Bu esa zamonaviy texnologiyalar va sun’iy intellektning inson hayotidagi samarali qo‘llanilishiga yorqin misol bo‘lib xizmat qiladi.
“Zamin”ni Telegramʻda oʻqing!
