Turkiyaning Agri viloyatida shifokorlar amalga oshirgan g‘ayrioddiy tibbiy amaliyot keng jamoatchilik e’tiborini tortdi. Obsesiv-kompulsiv buzilish (OKB) tashxisi qo‘yilgan 22 yoshli ayol shifoxonaga murojaat qilganidan so‘ng, uning oshqozonidan ikki dona ruchka chiqarib olindi.
Bir yarim soatlik murakkab operatsiya
Ma’lumotlarga ko‘ra, bemor qalam yutib yuborgani haqida xabar qilgach, tibbiy guruh tezda operatsiyaga tayyorgarlik ko‘rgan. Endoskopiya orqali amalga oshirilgan jarrohlik jarayoni taxminan bir yarim soat davom etdi. Uning davomida ikki dona ruchkadan tashqari bir dona qog‘oshin va yana bir mayda buyum ham muvaffaqiyatli olib tashlangan.
Shifokorning hayratli izohi
Operatsiyani o‘tkazgan shifokor Adem Aslanning ta’kidlashicha, ular ilgari ham turli mayda buyumlarga duch kelishgan, ammo bunday uzun va ingichka narsalar birinchi marta uchragan.
“Bemorimizning OKB xastaligi tufayli turli narsalarni yutib yuborish odati bor ekan. Jarayon muvaffaqiyatli o‘tdi, bir kun shifoxonada kuzatuvda saqlandi va keyin uyiga chiqarildi”, — deya izoh berdi shifokor.
Psixologik muammoning oqibati
Mutaxassislar ta’kidlashicha, OKB bilan og‘rigan bemorlarda majburiy harakatlar qayd etilishi mumkin. Ayrim hollarda bunday holatlar salomatlikka jiddiy xavf tug‘diradi. Bu esa bemorni nafaqat tibbiy, balki psixologik yordam bilan ham ta’minlash zarurligini ko‘rsatadi.
“Zamin”ni Telegramʻda oʻqing!
