AQSh Prezidenti Donald Tramp mamlakat sanoatini himoya qilish uchun yangi bojlarni e’lon qildi. 1-oktabrdan boshlab brend dorilarga 100 foiz, yuk mashinalariga 25 foiz, oshxona jihozlari va yumshoq mebellarga esa 30–50 foizlik boj qo‘yiladi.
Bu qaror xalqaro bozorlarda beqarorlikka sabab bo‘ldi. Osiyo fond bozorlarida farmatsevtika kompaniyalari aksiyalari tushib ketdi. Yevropada esa dastlabki pasayishdan so‘ng bozor qisman tiklandi.
Dori ishlab chiqaruvchi kompaniyalar ishlab chiqarishni AQShda yo‘lga qo‘ymagan bo‘lsa, katta zarar ko‘rishi mumkin. Irlandiya esa yangi bojlarni oldindan hisobga olib, AQShga dori eksportini keskin oshirdi.
Mutaxassislarning fikricha, yangi bojlar AQSh ichki bozorini qo‘llab-quvvatlashi mumkin, lekin transport xarajatlari va iste’mol narxlarini ko‘tarishi ehtimoli bor.
“Zamin”ni Telegramʻda oʻqing!
