O‘zbekistonliklar Saudiya Arabistoniga sayohatni 48,1% ga oshirdi

Kursiv Uzbekistan yozishicha, 2025-yilning yanvar–avgust oylarida Saudiya Arabistoniga 165,7 ming nafar O‘zbekiston fuqarosi borgan. Bu ko‘rsatkich o‘tgan yilga nisbatan 48,1 foizga ko‘p.

Natskomstat ma’lumotlariga ko‘ra, 141,6 ming kishi sayohat maqsadida borgan,
23,5 ming kishi qarindoshlarini ziyorat qilish uchun,
548 kishi davolanish uchun,
shuningdek, 62 nafar fuqaro ishlash, 18 nafar esa o‘qish maqsadida borgan.

Eslatib o‘tamiz, joriy yil iyul oyida 15 ming nafar o‘zbekistonlik haj ziyorati uchun Saudiya Arabistoniga yetib borgan edi. Ular uchun to‘qqizta shahardan maxsus aviareyslar tashkil etilgan, parvozlarni ichki va xalqaro aviakompaniyalar amalga oshirgan.