Germaniyada dunyodagi birinchi vertikal suvdagi quyosh elektr stansiyasi ishga tushirildi, deb Smartpress.by xabar berdi.
Bu innovator loyiha SINN Power kompaniyasi tomonidan amalga oshirildi. Stansiya Bavariyadagi Shtarnberg tumanida joylashgan Yayis karerida o‘rnatilgan. Ushbu stansiya suv havzasining 5 foizidan kamroq maydonini egallab, yuzlab xonadonlarni elektr energiyasi bilan ta’minlash imkoniga ega.
Yangi stansiyaning quvvati 1870 kilovattni tashkil qiladi. U yiliga taxminan 2 million kilovatt-soat energiya ishlab chiqaradi. Skipp-Float patentlangan texnologiyasi orqali quyosh modullari suv sathidan 1,6 metr chuqurlikda vertikal tarzda o‘rnatilgan. Bu yechim, ayniqsa, ertalab va kechqurun soatlarida energiya ishlab chiqarish samaradorligini oshiradi.
Panellar orasidan kamida 4 metrlik suv koridorlari qoldirilgan, bu esa havo aylanishini, yorug‘likning aks etishini va ekologik muvozanatni saqlab qolishga yordam beradi. Elektr energiyasi tarmoqqa suvdagi kabel va sohadagi ulanadigan nuqta orqali uzatiladi. Eng muhimi — tabiatga hech qanday zarar yetkazilmaydi.
“Zamin”ni Telegramʻda oʻqing!
